حوزہ نیوز ایجنسی کی رپورٹ کے مطابق،یمنی صارف "علی السنیدار" نے ٹویٹر پر یمنی خاتون کی ایک ویڈیو شائع کی ۔ اس ویڈیو میں خاتون جنگ کی وجہ سے یمن میں روزی روٹی کی افراتفری اور اقتصادی پریشانی کے بارے میں شکایت کر رہی ہے ۔
اس کا کہنا ہے کہ اس نے اپنے خاندان اور اپنے بیمار شوہر کی دیکھ بھال کی ذمہ داری اٹھا رکھی ہے۔ لیکن بڑھتی ہوئی مہنگائی نے اسے اپنے خاندان کے اخراجات پورے کرنے کے قابل نہیں چھوڑا ہے۔
اس یمنی خاتون کا کہنا ہے کہ یونیورسٹی کی تعلیم حاصل کرنے کے باوجود اسے اپنے اور اپنے خاندان کے گزارے کے لیے مناسب ملازمت نہیں مل سکی۔
اس یمنی خاتون کے الفاظ نے صارفین کی توجہ اپنی جانب مبذول کرائی ہے، اس ویڈیو کے نیچے ایک صارف نے لکھا کہ ’بن سلمان ریاض میں ڈانس اور گانے کی پارٹی کر رہے ہیں اور یمن کے لوگ اس کے ایڈونچر میں اس قدر گرفتار ہیں، افسوس! یہ یمنی خاتون بن سلمان کا گریبان ضرور پکڑے گی!
حوزہ نیوز ایجنسی/س۔ل۔ع
